BLUE PORTS ემსახურება პორტების “გამწვანების” დაჩქარებას, პორტის ეკოსისტემის ადამიანური კაპიტალის კვალიფიკაციის ამაღლებას, კარიერულ წინსვლას, სამუშაო მობილურობისა და უნარების შენარჩუნებას. BLUE PORTS გთავაზობთ ახალ სერტიფიცირების სქემას, რომელიც შეესაბამება ISO/IEC 17024 საერთაშორისო სტანდარტს. ევროპული აკრედიტაციის ურთიერთშეთანხმების (EA MLA) საფუძველზე, სქემა ორმხრივად იქნება აღიარებული ეროვნულ სამთავრობო და აკრედიტაციის ორგანოებს შორის ევროპასა და მის ფარგლებს გარეთ.

BLUE PORTS სერტიფიცირების სქემა შემუშავებულია ეროვნულ ტექნიკურ კომიტეტებთან აქტიური კონსულტაციების შედეგად საბერძნეთში, იტალიაში, ესპანეთში და საქართველოში. მათი შეხედულებებისა და რეკომენდაციების გათვალისწინება უზრუნველყოფს, სქემის რეალური ბაზრის საჭიროებებთან  და პორტის სექტორის სამომავლო “გამწვანების” ტენდენციებთან შესაბამისობას.